L'aïoli de Mistral

Ah ! l'Aioli, fladamo moussa ! l'Aioli redoulènt,
l'Aioli tant goustous que nous fai tant valènt !
l'Aioli prouvençau, oh ! quento meraviho !
Li malaut -e li mort meme - vous li reviho :
quand aquelo cremour vous passo lou gousié
Vous sentès auboura vers de rode festié
Vous sèmblo que lou cèu se duerb a vosto visto
Devers lou paradis ! Oh ! Mangiho requisto !
O plat de nostigrand, o mèisse naciounau
que dempièi de milo an atubes li fanau
Dou pople atravali que viéu dins la Prouvènco.
Dou pople qu'a garda li font de sa Jouvenço
Pèr qu'a sachu garda lou manja que fai gau
E que lou fai canta bèn mies que li cigau !